Лондоннинг Ватерлоо темир йўл вокзали ҳамда
пойтахтнинг Хитроу ва Сити аэропортларидан учта портловчи қурилма топилди. Скотленд-Ярд мазкур ҳолат бўйича ўз текширувларини бошлаб
юборди. Бу ҳақда 5 март куни Лондон полицияси «РИА Новости»га
маълумот берган.
Маълум қилинишича, ҳар уччала қурилма оқ рангли почта
ўрамига солинган бўлиб, уларнинг ичида сариқ аралашма бўлган. Мутахассислар
томонидан олиб борилган текширувлар натижасида уларнинг қўлдан ясалган
портловчи қурилмалар эканлиги аниқланган. Полициянинг айтишича, уларнинг портлаши катта бўлмаган
майдонни қоплаши мумкин эди.
Қурилмалар топилган жойдан одамлар эвакуация қилинган,
аммо поезд ва авиарейсларнинг жадвалига бу ҳолат таъсир кўрсатмаган. Хитроудаги текширишлар
ниҳоясига етказилган, Ватерлоо ва Сити аэропортида улар
давом эттириляпти.
Комментарии
Отправить комментарий